Azərbaycan, Bakı, 10 sentyabr /Trend, müxbir E.Əliyev/
2013-cü ilin yanvar-sentyabr aylarında Azərbaycanda pul kütləsi mütəmadi artım nümayiş etdirib və oktyabrın 1-nə olan vəziyyətə görə, ölkədə genişləndirilmiş pul bazası 10 697,2 milyon manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) 2013-cü ilin yanvar-sentyabr ayları üzrə pul siyasəti icmalında deyilir.
İcmalda qeyd olunur ki, pul kütləsi illik hesabatda 13,8 faiz artıb. Müqayisə üçün, ötən ilin 9 ayının yekunu üzrə bu göstərici 9 399,7 milyon manat təşkil edib.
AMB-nin məlumatına görə, 2013-cü il oktyabrın 1-nə manatda olan pul kütləsi 10 615,9 milyon manat olub, bu rəqəm 2012-ci il oktyabrın 1-də isə 9 299,8 milyon manat təşkil edib.
Hesabat dövründə tədavüldə olan pulların həcmi 10 137,6 milyon manat olub, halbuki 2012-ci il oktyabrın 1-nə bu göstərici 8 793,7 milyon manat təşkil edib.
Öz növbəsində, bank ehtiyatları 536,8 milyon manata bərabər olub ki, bu da 2012-ci ilin yekunları üzrə göstəricidən (589,9 milyon manat) 9 faiz azdır.
Tədavüldə olan nağd pul kütləsinin pul bazasına olan nisbəti 2013-cü il oktyabrın 1-nə 94,8 faiz təşkil edib. Bu rəqəm ötən il oktyabrın 1-nə 93,6 faiz olub.
