Azərbaycan, Bakı, 9 yanvar /Trend, müxbir E.Əliyev/
Azərbaycanda banklar üçün ödəniş statistikası haqqında elektron hesabatların tərtibi və təqdim edilməsi qaydaları təsdiq edilib. Trend-in məlumatına görə, Azərbaycan Mərkəzi Bankının (AMB) müvafiq qərarı Ədliyyə Nazirliyinin normativ-hüquqi aktlar reyestrində dərc edilib.
Sənədə əsasən, 10-u hər ay, 1-i isə hər rübdə verilən 11 elektron forma hesabat ayı başa çatdıqdan sonra ayın 10-dan gec olmayaraq AMB-yə təqdim edilməlidir. Hər bir forma statistik vahidin rəhbəri və baş mühasibin elektron imzası ilə təsdiq edilməlidir.
Daha əvvəl müvafiq statistika kağız formasında da təqdim edilirdi.
Azərbaycanda 43 bank fəaliyyət göstərir.
