Azərbaycan, Bakı, 10 yanvar /Trend, müxbir A.Axundov/
2013-cü ilin noyabrında Azərbaycan Mərkəzi Bankı (AMB) yanında Maliyyə Monitorinqi Xidmətinə (MMX) şübhəli və cari əməliyyatlar üzrə 33 700 məlumat daxil olub. 2012-ci ilin noyabrında bu rəqəm 27 386 məlumat olub. Trend-in məlumatına görə, bu barədə Xidmətin statistik hesabatında deyilir.
İllik hesabatda müraciətlərin sayı 23 faiz artıb.
Hesabata əsasən, 2013-cü ilin oktyabr ayında 32 600 məlumat, ötən ilin əvvəlindən MMX-yə 311 496 məlumat daxil olub.
Qeyd edək ki, Maliyyə Monitorinqi Xidməti 2009-cu il fevralın 23-də yaradılıb.
