Azərbaycan, Bakı, 17 fevral /Trend, müxbir A.Axundov/
Mərkəzi Bank yanında Azərbaycan İpoteka Fondunun (AİF) fəaliyyətə başlamasından etibarən müvəkkil banklar tərəfindən 13 602 ipoteka krediti ayrılıb. Bu barədə Trend Fondun saytına istinadən məlumat verir.
Ayrılmış təkrar maliyyələşdirilən ipoteka kreditlərinin sayı üzrə Azərbaycanın TOP-10 bankının cədvəli:
|
Bank |
Kreditlərin sayı |
|
AG Bank |
1026 |
|
Dəmirbank |
1003 |
|
Bank Standard |
986 |
|
Xalq Bank |
972 |
|
Zaminbank |
950 |
|
Bank Technique |
879 |
|
Muğanbank |
835 |
|
Unibank |
736 |
|
Bank Respublika |
672 |
|
Kapital Bank |
414 |
|
Cəmi |
8 473 |
AİF-in xətti ilə 2013-cü ildə 112,9 milyon manat məbləğində kredit verilib ki, bu da 2012-ci ilin yekunları üzrə maliyyələşmənin həcmini 50,1 faiz üstələyir.
Fondun-in xətti ilə maliyyələşdirməyə başlanandan - 2006-cı ildən 2014-cü ilə qədər - 533,09 milyon manat, o cümlədən 2012-ci ildə 74,77 milyon manat, 2011-ci ildə 95,64 milyon manat, 2010-cu ildə 97,08 milyon manat, 2009-cu ildə 76,9 milyon manat, 2007-ci ildə 70,2 milyon manat, 2006-cı ildə 5,6 milyon manat ipoteka krediti ayrılıb.
2013-ci ildə bankların əvvəllər ayırdığı kreditlərin yenidən maliyyələşməsinin ümumi həcmi 86,9 milyon manat təşkil edib. İl ərzində AİF 57 milyon manat həcmində istiqrazlar yerləşdirib. Bu rəqəm ipoteka kreditləşməsi başlayandan 300 milyon manat təşkil edib.
Dövlət büdcəsindən sosial ipotekanın maliyyələşdirilməsinə cəmi 176 milyon manat ayrılıb.