Azərbaycan, Bakı, 3 mart /Trend, müxbir E.Əliyev/
Azərbaycanda "Iteca Caspian" şirkəti tərəfindən keçirilən beynəlxalq sərgilər mövsümü apreldə açılacaq. Trend-in məlumatına görə, bu barədə bazar ertəsi şirkətin məlumatında deyilir.
Məlumatda bildirilir: "Bütün sərgilər AzərbaycanRespublikası dövlət strukturlarının rəsmi dəstəyi ilə həyata keçirilir. Bir sıra layihələr isə beynəlxalq sənaye assosiasiyalarının rəsmi dəstəyi çərçivəsində təşkil olunacaq".
Şirkət bildirir ki, hazırda 2014-cü il mövsümündə keçiriləcək sərgilərdə iştirak üçün ərizələrin intensiv qəbulu keçirilir. Bu isə təşkilatçıların Azərbaycanda sərgilər üzrə 15 faiz artım olacağını öncədən proqnozlaşdırmalarına imkan yaradır.
2014-cü ildə "Iteca Caspian" turizm, inşaat, təhsil və karyera, İKT, su texnologiyaalrı, nəqliyyat, səhiyyə, yüngül və qida sənayesi və digər sahələr üzrə təxminən 25 beynəlxalq sərgi və konfrans keçirməyi planlaşdırır.