Azərbaycan, Bakı, 12 iyun /Trend, müxbir E.İsmayılov/
Bakıda Ziya Bünyadov prospektinin yenidən qurulması və modernləşdirilməsi üzrə işlər 2015-ci ildə paytaxtda keçiriləcək I Avropa Oyunlarınadək başa çatacaq. Bunu cümə axşamı Trend-ə "Azəryolservis" ASC-nin sədri Cavid Qurbanov deyib.
Onun sözlərinə görə, Oyunların keçiriləcəyi dövrədək Bakıda bir sıra yol-nəqliyyat obyektlərinin tikintisi, yenidən qurulması və yenilənməsi başa çatacaq.
C.Qurbanov vurğulayıb ki, Bakı Ollimpiya stadionu ərazisində yol infrastrukturunun təşkili, Səbayıl rayonunda Su İdmanı Sarayının tikintisi, Bakı dairəvi avtomobil yolunun təmiri və nizamlanması, Heydər Əliyev prospektində təmizləmə və rəngləmə üzrə işlərin yekunlaşdırılması planlaşdırılır.
ASC sədri deyib ki, Avropa Oyunlarınadək şəhərin ara yollarının çoxu lazımi vəziyyətdə olmalıdır.