...

"Excelsior Hotel Baku" otelində "Yay mövsümünün açılışı mərasimi" keçirildi (FOTO)

Biznes və iqtisadiyyat xəbərləri Materials 17 İyun 2014 10:20
13 iyun 2014-cü il tarixində “Excelsior Hotel Baku” otelinin açıq hovuzda yerləşən Pool Bar restoranında “ Yay mövsümünün açılış” tədbiri keçirilmişdir.
"Excelsior Hotel Baku" otelində "Yay mövsümünün  açılışı mərasimi" keçirildi  (FOTO)

Trend-i buradan izləyin

Azərbaycan, Bakı, 17 iyun /Trend/

13 iyun 2014-cü il tarixində "Excelsior Hotel Baku" otelinin açıq hovuzda yerləşən Pool Bar restoranında " Yay mövsümünün açılış" tədbiri keçirilmişdir. Tədbirin proqramına canlı musiqi proqramı, hədiyyə lotoreyası, gecəyə qədər DJ musiqisi və rəqs daxil edilmişdir. Tədbirdə paytaxtın qonaqları və sakinləri, işgüzar dairələrin nümayəndələri iştirak etdilər. Açılış mərasimində çıxış edən "Excelsior Hotel Baku" otelinin baş meneceri Turhan Poyraz qonaqlara yay hovuzunun yanında şəraitə və göstərilən xidmətlərə dair geniş informasiya verib. O, qeyd edib ki, bundan sonra paytaxtımızın qonaqları və sakinləri şəhərdən kənara çıxmadan qızmar yay günlərində gözəl şəraitdə dincələ, günəş şüaları qəbul edə, suyun yanında axşam mehindən həzz ala biləcəklər.

Sərinləşdirici içkilər, ləzzətli təamlar və canlı musiqi hovuz ətrafında gözəl ab-hava yaratdı. Estrada müğənniləri Səbinə Babayeva və Diananın ifalarında populyar milli və xarici şlyagerlər hamının ürəyincə olub. Tədbirdə keçirilən lotoreyada qonaqlar "AtaBank" ASC, "AtaSığorta" ASC və digər şirkətlərdən hədiyyələr uddular.

Qeyd edək ki, "Excelsior Hotel & Spa Baku" 2005-ci ilin avqustundan fəaliyyət göstərir. Otel 1 "İmperial "- lyuks, "Royal"- lyuks, 4 "Crown"-lyuks , 45 "Heritage" - deluks, 9 "Duke" - standard otaqlar, konfrans zalı, biznes mərkəzi, restoranlar, "Aura" sağlamlıq mərkəzi və s.-dən ibarətdir.

Məqalədə:
Xəbər lenti

Xəbər lenti