Bakı. Ənvər Məmmədov - Trend:
İsveçrənin SIKA şirkətinin Sumqayıt Kimya Sənaye Parkında istehsal etdiyi məhsullar yaxın xarici ölkələrə ixrac ediləcək.
Trend-in məlumatına görə, bunu jurnalistlərə Sumqayıt Kimya Sənaye Parkının direktor müavini Zaur Məmmədov deyib.
Onun sözlərinə görə, SIKA zavodunda istehsal edilən məhsullar (şirkət əsasən inşaat qatqılarının istehsalı ilə məşğul olacaq) təkcə daxili tələbatı qarşılamağa istiqamətlənməyəcək, həm də Rusiya, Qazaxıstan, Türkmənistan, Özbəkistan, Qırğızıstan, Gürcüstan və İrana ixrac ediləcək.