...

Hökməli-Qobu-Güzdək avtomobil yolu təmir olunur (VİDEO,FOTO)

Biznes və iqtisadiyyat xəbərləri Materials 25 May 2016 12:00
Hökməli-Qobu-Güzdək avtomobil yolunun təmiri işlərinə start verilib.
Hökməli-Qobu-Güzdək avtomobil yolu təmir olunur (VİDEO,FOTO)

Trend-i buradan izləyin

Bakı. Trend:

Hökməli-Qobu-Güzdək avtomobil yolunun təmiri işlərinə start verilib.

"Azəravtoyol" Açıq Səhmdar Cəmiyyətindən Trend-ə verilən məlumata görə, avtomobil yolunun uzunluğu 11 km, ortalama eni isə 9,5 m-dir.

Yolun 2 km-i Hökməli, 3 km-i Qobu və 6 km-i Güzdək qəsəbələrinin ərazisinə düşür.

Hökməli istiqamətindən start verilən təmir-tikinti işləri zamanı yolun 1,5 km-lik hissəsi əsaslı şəkildə təmir olunur, 9,5 km-lik hissəsində isə orta təmir işləri aparılır.

Orta təmir zamanı yolun qabarmış və dağılmış asfalt-beton örtüyü qaşınaraq, ərazidən daşınır. Bunun əvəzinə yolun hərəkət hissəsinə yeni asfalt-beton örtüyünün döşənməsi işləri aparılacaq.

Əsaslı şəkildə aparılan təmir işləri zamanı isə yol əsasının yararsız torpaq qatı qazılaraq çıxarılır, daha sonra karbonat materialı tökülərək yenidən kipləşdirilir. Bu işlər yekunlaşdıqdan sonra əsaslı təmir işlərinin aparıldığı 1,5 km-lik əraziyə 2 qat olmaqla yeni asfalt-beton örtüyünün döşənməsi işləri həyata keçiriləcək.

Əsaslı təmir işlərinin aparıldığı ərazidə müvəqqəti olaraq avtonəqliyyat vasitələrinin hərəkətinə məhdudiyyət qoyulub.

Bütün işlər yüksək keyfiyyətlə və tərtib olunmuş qrafikə uyğun həyata keçirilir. Təmir işlərinin vaxtında yekunlaşdırılması üçün əraziyə lazımi sayda qüvvə cəlb olunub.

Məqalədə:
Xəbər lenti

Xəbər lenti