Bakı. İlkin Şəfiyev - Trend:
Azərbaycanda innovativ klasterlərin yaradılmasını sürətləndirmək lazımdır.
Trend-in məlumatına görə, bunu “İnnovativ klasterlərin yaradılması sahəsində dövlət-özəl sektor əməkdaşlığı: mövcud aktivlər və yerli xammalın istifadəsi” mövzusunda konfrans zamanı iqtisadiyyat nazirinin müavini Niyazi Səfərov deyib.
Nazir müavini bildirib ki, bu istiqamətdə təhsil və elm müəssisələri ilə əməkdaşlığın qurulması vacibdir:
“İnnovativ klasterlərin yaradılması mexanizmi və metodologiyası hazırlanmalıdır, bütün iştirakçıların funksiyaları müəyyənləşdirilməlidir. Ehtiyatların səmərəli istifadəsi və toplanan aktivlərin sənayeyə yönəldilməsi də vacib məsələlərdəndir”.