Bakı. Trend:
2018-ci ilin I rübünün yekunlarına əsasən Xalq Bank ASC əsas maliyyə göstəriciləri üzrə stabil artım nümayiş etdirib.
"Xalq Bank"dan Trend-ə verilən məlumata görə, bankın aktivləri 2017-ci ilin sonuna olan göstəricilərlə müqayisədə 412 milyon manat və yaxud 22,72 % artaraq 2 225.65 milyon manat təşkil edib.
Bankın kredit portfeli I rüb ərzində 10.3 milyon manat və yaxud 0,79% artaraq 1 322.55 milyon manat təşkil edib. Bu nəticə ölkənin özəl bankları arasında ən yüksək göstəricidir.
Müştərilər tərəfindən yerləşdirilən depozitlərin həcmi birinci rüb ərzində 318.99 milyon manat və yaxud 27,24% artaraq 1 489.90 milyon manata çatıb. Bank rübü 7. 522 mln manat xalis mənfəətlə başa vurub.
Cari ilin ilk rübündə maliyyə-təsərrüfat fəaliyyətinin nəticələri ilə Xalq Bank ölkənin maliyyə sektorunda lider banklardan biri olaraq öz mövqeyini möhkəmləndirib. Bu uğurlar Bankın loyal müştərilərinin, peşəkar əməkdaş komandasının, düşünülmüş və effektiv idarəetmə siyasətinin nəticəsidir.