Bakı. Trend:
2023-cü ildə Azərbaycan Respublikası Sahibkarlığın İnkişafı Fondu güzəştli kreditlər üçün 150 milyon manat ayıracaq.
Trend-in məlumatına görə, bu barədə Azərbaycan Respublikası İqtisadiyyat Nazirliyi yanında Sahibkarlığın İnkişafı Fondunun idarə heyətinin sədri Osman Xaliyev 2022-ci ilin yekunlarına həsr edilən mətbuat konfransında deyib.
Onun sözlərinə görə, fond sahibkarlıq subyektləri üçün ayrılan güzəştli kreditlərin həcmini hər il artırmaq niyyətindədir.
Qeyd edək ki, 2022-ci ilin yekunlarına əsasən, Sahibkarlığın İnkişafı Fondu tərəfindən kiçik və orta sahibkarlıq layihəsi ücün 104,2 milyon manat güzəştli kredit ayrılıb.