Bakı. Trend:
Hazırda qlobal tendensiyalar və qloballaşma insan kapitalının inkişafı ilə ölçülür.
Trend cümə axşamı xəbər verir ki, bunu Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədr müavini Cəmaləddin Quliyev Bakıda keçirilən Qlobal HR sammitində deyib.
O, Azərbaycanın müstəqillik əldə etdikdən sonra insan kapitalının inkişafı üzrə praktik addımlar atdığını qeyd edib.
"Neft gəlirlərinin idarə olunması strategiyası müstəqilliyimizin ilk illərində insan resurslarının inkişafı məqsədilə qəbul olunub. Qarşıdakı 4-cü və 5-ci sənaye inqilablarında insan kapitalının və əmək bazarının iştirakçılarının inkişafını koordinasiya etmək lazımdır. Əvvəllər qlobal tendensiyalar və qloballaşma ÜDM-in ölçüsü ilə ölçülürdü, indi isə insan kapitalının inkişafı ilə ölçülür", - C.Quliyev deyib.
(Tərcümə: Rəna Əbdürəhmanova)