Azərbaycan, Gürcüstan və Türkiyənin nəqliyyat nazirlərinin Qars-Axalkalaki-Tbilisi-Bakı dəmir yolunun tikintisi layihəsi çərçivəsində sentyabrın 20-21-də gözlənilən görüşü sentyabrın 19-da İstambulda baş tutub. Azərbaycan Dövlət Dəmir Yol İdarəsindən Trend ə verilən məlumata görə, buna səbəb hər üç ölkənin işçi qruplarının işləri vaxtında başa çatdırması ilə bağlıdır. İclasda Azərbaycanı nəqliyyat naziri Ziya Məmmədovun rəhbərlik etdiyi nümayəndə heyəti təmsil edib. İclasın yekunları üzrə layihə çərçivəsində əməkdaşlığın genişləndirilməsinə dair müvafiq sənədlər imzalanıb.
Yolun uzunluğu 98 km-dir, onun 68 km-i Türkiyənin, 30 km-i isə Gürcüstanın payına düşür. İlkin hesablamalara görə, layihənin həyata keçirilməsinə 400 mln dollar, o cümlədən Qarsdan Axalkalakiyə qədər qolun tikintisinə 250 mln dollar, Axalkalakidən Tbilisiyə qədər qolun tikintisinə isə 150 mln dollar tələb olunur.
