Bu gün gecə Küveytin maliyyə naziri Bədir Əl-Hümeydinin rəhbərlik etdiyi nümayəndə heyəti Bakıya qısamüddətli səfərə gəlir. Bu barədə Trend xəbər agentliyinə Maliyyə Nazirliyindən məlumat verilib. Məlumata görə, səfər müddətində B.Əl-Hümeydi Prezident Aparatı, Nazirlər Kabineti və Maliyyə Nazirliyində bir sıra görüşlər keçirəcək. Görüşlərdə ölkələr arasındakı iqtisadi münasibətlər, onun inkişaf yolları müzakirə olunacaq. Nümayəndə heyətinin sabah axşam Bakını tərk edəcəyi gözlənilir.
...
