Bu gün Bakıda Avropa Yenidənqurma və İnkişaf Bankının (AYİB) Azərbaycandakı nümayəndəsi Reymond Konvey və UniBank-ın İdarə Heyətinin sədri Faiq Hüseynov yerli borc alanların birgə maliyyələşdirilməsi proqramı üzrə razılaşma imzalayıblar. Bu barədə Trend məlumat verib.
UniBank-ın İdarə Heyətinin sədri Faiq Hüseynov un sözlərinə görə, AYİB proqram üçün 2 il ərzində mənimsənilmək və 5 ildən sonra ödənilmək üçün $5 mln kredit açıb.
"Proqram üzrə UniBank və AYİB iri layihələrin maliyyələşdirilməsi üçün eyni paya malik olacaqlar. AYİB onun standart dərəcələrindən illik 0,5% -dən fərqlənməyən dərəcə üzrə vəsait təqdim edir. Borc alanlar üçün dərəcələri bazar dərəcələrinə və borc alanlarla qarşılıqlı razılaşmaya müvafiq olaraq UniBank müəyyən edəcək.Birgə maliyyələşdirmə Azərbaycan üçün yeni məhsuldur və maliyyə bazarında və iqtisadiyyatda ona tələbatın olacağına ümid edirəm ", -deyə F.Hüseynov bildirib.
R.Konvey qeyd edib ki, xətt çərçivəsində layihələr 4-5 il müddətinə maliyyələşdirilə bilər.
Proqramın əsas məqsədi iri layihələrin Avropa Bankının digər şərtləri olmazsa, AYİB-in iştirakı ilə onların dəyərinin 50%-dən çox olmayaraq birgə kreditləşdirilməsidir. Layihədə iştirak üçün AYİB UniBank-ın əldə etdiyi qədər gəlir əldə edəcək. Vəsaitdən orta və uzunmüddətli layüihələrin, sənaye və istehsal müəssisələrinin genişləndirilməsi, diversifikasiyası, modernləşdirilməsi üçün investisiya proqramlarının maliyyələşdirilməsində istifadə oluna bilər.
