Azərbaycanın bank bazarına iri xarici şirkətlər və banklar maraq göstərməyə başlayıblar. Bu barədə Milli Bankın kredit təşkilatlarının fəaliyyətinə nəzarət üzrə Departamentin rəhbəri Rəfət Aslanlı jurnalistlərə məlumat verib. "Lnlardan bəziləri ilə bizim görüşümüz olub və onlar bank bazarının hazırki vəziyyəti ilə maraqlanırlar. Bizə Azərbaycana gəlmək istədiklərini beynəlxalq maliyyə institutları da bildirib", - AMB nümayəndəsi bildirib.
R.Aslanlı xarici şirkətlərin və ya bankların artıq ölkənin bank bazarında 2006-cı ildən təmsil olunacağı imkanlarını istisna etməyib. Bu bir neçə mərhələdə baş verəcək. Birinci mərhələdə bu proses fəaliyyətdə olan Azərbaycan banklarının səhmlərinin əldə edilməsi vasitəsilə baş verə bilər.
Trend in verdliyi məlumata görə, Qazaxıstanın iri banklarından olan "TuranAlem" yerli bankın səhmlərinin alınmasında maraqlıdır. Lakin bu, bankın 2006-cı ildəki planlarına daxildir.
Xarici kapitalın ölkənin bank bazarında artıq iki ildən bəri liberallaşdırılmasına baxmayaraq, lakin bu müddət ərzində ölkədə hər hansı bir xarici bankın filialı və ya törəmə strukturu açılmayıb. Ümumi bank kapitalında xarici kapitalın payının artması bəzi bankların (UniBank, Bank of Baku, "Respublika" bankı, Azərdəmiryolbank) səhmlərinin bir hissəsinin satışı vasitəsilə baş verib. Bu zaman əsas alıcı kimi Avrolpa Yenidənqurma və İnkişaf Bankı çıxış edib.
