Yanvarın ikinci yarısında Dünya Bankının (DB) ekspert Frauk Yunqblutun başçılıq etdiyi missiyasının DB və kənd təsərrüfatının inkişafı Beynəlxalq Fondunun (IFAD) birgə maliyyələşdirdiyi "Azərbaycan kənd təsərrüfatının inkişafı və kreditləşdirilməsi" layihəsi çərçivəsində Bakıya səfəri gözlənilir. AR K/T Nazirliyində Trend ə bildirilib ki, DB missiyasının səfərinin məqsədi layihənin ikinci mərhələsində gerçəkləşdirilməsi nəzərdə tutulan işlərin hazırlanması və qiymətləndirilməsidir.
Azərbaycan ilə DB arasında həmin layihənin gerçəkləşdirilməsinə dair saziş 1999-cu ildə imzalanıb. Amma gerçəkləşdirilmə 2002-ci ilin ikinci rübündə başlayıb. Layihənin birinci mərhələsinin gerçəkləşdirilməsinə $33,6 mln. ayrılıb. 10 il müddətinə olan layihənin dəyəri $100 mln. olaraq qiymətləndirilir.
Layihə fermerlərin daşınılmaz əmlakının qeydiyyatı, torpaqların qeydiyyatı ilə bağlı regional idarələrin yaradılması və fermer təsərrüfatlarının kreditləşdirilməsini nəzərdə tutur.
Layihənin birinci mərhələsi başa çatıb və dövlət strukturundan alınmış məlumata görə, gələn ildən layihənin təxminən $20 mln. dəyərində olan ikinci mərhələsinə başlanılacaq.
