Azərbaycanın iqtisadi inkişaf nazirliyi iqtisadiyyatın kənd təsərrüfatı sektorunun maliyyələşdirilməsi ilə bağlı təkliflər hazırlayıb və ölkə hökumətinə təqdim edib. Bu barədə Trend ə iqtisadi inkişaf naziri Heydər Babayev bildirib.
Onun sözlərinə görə, k/t-nin birbaşa və əlavə maliyyələşdirilməsi dünyanın bir sıra ölkələrində həyata keçirilir. Buna görə də Azərbaycanda k/t sektorunun maliyyələşdirilməsi labüddür. Yaxın vaxtlarda k/t Nazirliyi və Maliyyə Nazirliyi də öz təkliflərini təqdim edəcək.
H.Babayev qeyd edib ki, sektorun maliyyələşdirilməsi, nazirliyin nümayəndələrinin fikrincə, ünvanlı olmalıdır. Nazir bildirib ki, əgər bu qərar qəbul edilsə, onda büdcəyə müvafiq dəyişikliklər ediləcək.
