Qara dəniz ticarət və inkişaf bankı (QTİB) Azərbaycanın bank sektoruna ipoteka, lizinq və istehlakçı kreditləşdirilməsi sahəsində əməkdaşlıq üçün yeni vasitələr təklif edir. Trend in məlumatına görə, iqtisadi inkişaf nazirinin müavini Mikayıl Cabbarov fevralın 20-də jurnalistlərə QTİB-də bank təşkilatları ilə iş üzrə yeni departamentin yaradıldığını və onun rəhbərinin bu yaxınlarda Bakıda olduğunu bildirib. O, Azərbaycanın bank sektorunun nümayəndələri ilə görüşlər keçirib.
"Biz həmişə QTİB-dən, o cümlədən bank sektoruna əlavə kredit ehtiyatlarının cəlb edilməsi ilə bağlı təklifləri dəstəkləyirik. Müvafiq olaraq hökumət xüsusilə bank sistemi üçün yeni maliyyə vasitələrini genişləndirir" -deyə nazir müavini öz qənaətini bildirib.
Onun sözlərinə görə, ölkə hökuməti QTİB qarşısında işgüzar qaydada Azərbaycan üçün kredit portfelinin artırılması məsələsini qaldırır. Amma bu, iki amildən - banka təqdim olunan layihələrin keyfiyyətindən və QTİB-in bu layihələrə baxmasına yanaşmasından asılıdır. Eyni zamanda hökumət əməkdaşlığın genişləndirilməsinə ümid edir. "Bu il iyunda Bakıda QTİB-in direktorlar Şurasının illik iclası keçiriləcək və biz ümid edirik ki, bu vaxtadək bir sıra layihələr tərtib ediləcək və həmin bank tərəfindən maliyyələşdirməyə dair qərar qəbul edəcək. Amma son qərar QTİB-dən asılıdır, layihələr isə özəl sektorda olacaq" -deyə M.Cabbarov qeyd edib.
QTİB-in Bakıda nümayəndəliyinin açılmasına gəlincə, bu məsələ gündəlikdə deyil. Nazir müavini qeyd edib ki, QTİB-in Salonnikdə yerləşən baş ofisindən başqa hətta əməkdaşlıq portfelindən asılı olmadan bankın üzvü olan digər ölkələrdə ofisi yoxdur, çünki digər Beynəlxalq maliyyə təşkilatlarından (BMT) fərqli olaraq QTİB gənc təşkilatdır.
