Qazaxıstanın "TuranAlem" bankı Azərbaycan bankları ilə Qazaxıstanın Dövlət Sığorta Korporasiyasının da iştirak etdiyi yeni maliyyə vasitəsi ilə əməkdaşlığa başlayıb. TAB-nın Bakıdakı nümayəndəliyinin rəhbəri Aida Sultanovanın Trend ə verdiyi məlumata görə, Azərbaycan bankları üçün risqlərə korporasiya tərəfindən zəmanət veriləcəyi halda kredit xətti $2 mlna qədər təşkil edə bilər.
"Əgər Azərbaycan şirkəti Qazaxıstandan mal idxal etmək istəsə, o zaiman Qazaxıstan tərəfi idxal risqlərinin 80% -ə qədərini ödəyə bilər. Əgər Azərbaycan bankına $100 minə qədər kredit xətti açılarsa, onda yerli idxalçının müqaviləsinin məbləği 5 dəfə çox ola bilər. Daha doğrusu, $100 min TAB-ın ödədiyi 20% risqdir, $400 min isə sığorta şirkəti tərəfindən ödəniləcək. A.Sultanovanın sözlərinə görə, bu cür zəmanət Qazaxıstandan ixracın artırılmasına, eləcə də alıcılar tərəfindən ödənmə şəraitinin yaxşılaşmasına imkan verər.
İlk dəfə belə sövdələşmə Texnikabank vasitəsilə, daha doğrusu Qazaxıstan Dövlət Sığorta Korporasiyasının iştirakı ilə həyata keçirilib. Texnikabankın İdarə Heyətinin sədri Samir Hüseynovun Trend ə verdiyi məlumata görə, müqavilənin məbləği $420 min təşkil edib.
Ticarət maliyyələşdirmələri üçün kredit xəttinə gəldikdə isə, bu gün üçün TAB Bank of Baku üçün kredit xəttinin açılması imkanlarını nəzərdən keçirir. A.Sultanova kreditin xəttinin həcminin, Azərbaycan bankının maliyyə vəziyyətindən, eləcə də kredit komitəsinin qərarından asılı olacağını qeyd edib. Kredit xəttinin alınması üçün sənədlər Atabank tərəfindən də verilib.
Qazaxıstan bankı eləcə də, "Respublika" bankı üçün kredit xəttinin fəaliyyət müddətini 12 aya qədər artırmaq niyyətindədir.
İndiyə kimi "TuranAlem" bankı Azərdəmiryolbank, "Respublika" bankı, UniBank, Texnikabank üçün kredit xətti açıb. Qazaxıstan bankının Azərbaycanda ticarət əməliyyatlarını maliyyələşdirməsi üçün ümumi kredit portfeli $1,5 mlndan artıqdır.
