Azərbaycan Milli Bankının məlumatına görə, 2006-cı il fevralın 1-də pul kütləsinin ümumi həcmi 708,2 mln. AZN təşkil edərək ilin əvvəli ilə müqayisədə 11,1% aşağı düşüb. Bu barədə Trend ə AMB-dan məlumat verilib. Lakin 2005-ci ilin analoji göstəriciləri ilə müqayisədə 15,1% artım müşahidə olunmuşdu.
Ümumi pul kütləsində nəqd və nəqdsiz kütlə müvafiq olaraq 65,8% və
34,2% təşkil edir. Göründüyü kimi, dövriyyədə nəqd pul kütləsi azalmağa başlayıb. Belə ki, ötən ilin yekunları üzrə o, ümumi pul kütləsində 73,2% təşkil edirdi. Bu, prezidentin nəqdsiz pul kütləsinin artırılması üzrə sərəncamları çərçivəsində görülən tədirlərlə izah olunur. Bununla əlaqədar olaraq, bir çox təşkilatlarda vəmüəssisələrdə əmək haqlarının ödənilməsi kartoçka sisteminə keçirilib. Gömrük rüsumlarının, metrodan kartlar vasitəsilə keçidi ilə bağlı layihələr də qüvvəyə minir. Eləcə də müavinətlərini kartlar vasitəsilə alan pensiyaçıların siyahısı da genişlənir.
2006-cı il fevralın1-də olan vəziyyətə görə, nəqd pulların payı 2005-cı ilin analoji dövrü ilə müqayisədə 9,1% artıb, 2006-cı ilin əvvəlində isə 14,8% azalaraq 466,2 mln. AZN təşkil edib. Nəqdsiz kütlə 28,8% artıb və müvafiq olaraq 2,9% azalaraq 242 mln. AZN olub.