Birinci rübdə Kapitalbankın büdcə göstəricilərini yerinə yetirməsində geriləmə var. Trend in bankın İdarə Heyətinin sədri Rauf Rzayevə istinadən verdiyi məlumata görə, bu, yanvar ayında 20%, fevralda 30% geriləmə ilə əlaqədardır. Bunun nəticəsində rüb üzrə proqnoz 85% yerinə yetiriləcək. Analoji vəziyyət 2005-ci ilin əvvəllərində də müşahidə olunmuşdu. Lakin ilin yekunlarına görə büdcənin gəlir hissəsi 112% yerinə yetirilib. 2005-ci ilin sonlarında bankın aktivləri 98,7 mln AZN təşkil edib ki, bu da 2004-cü ilin analoji dövrü ərzində 65,8 mln AZN səviyyəsində idi.
Hesabat dövründə bankın gəlirləri 2004-cü ildəki 11,3 mln. AZN -ə qarşı 18,4 mln AZN təşkil edib. Təmiz gəlir (vergilərin ödənməsindən sonra) 1 mln. AZN -dan 3.2 mln AZN-a qədər artıb.
2005-ci il ərzində kredit portfeli 92% artıb, təcili depozitlər portfeli isə 48% təşkil edib. Gəlir üzrə büdcənin yerinə yetirilməsi 113%, planlaşdırılan həcmdən gəlir 339% təşkil edib. İlin yekunlarına görə, dividendlər 1 mln. AZN həcmində planlaşdırılıb. Bankın rəhbəri hesab edir ki, ötən ilin bütün strateji göstəriciləri yerinə yetirilib.
R.Rzayevin sözlərinə görə, 2006-cı il üzrə bankın gəlirləri 22 mln. AZN həcmində, gəlirləri isə 3 mln. AZN (vergiöədəmələrə qədər) planlaşdırılıb. Bankın texniki təchizatı ilə yanaşı onun xərcləri artıb, amortizasiya tutulmaları isə 5 dəfə artıb. Kapitalbankın aktivləri ilin sonuna kimi 150 mln. AZN həcmində proqnozlaşdırılır, bu gün isə o artıq 110 mln. AZN təşkil edir.
Bankın bazar payı 8% təşkil edir. Bu gün təmiz gəlirin, kapitallaşmanın, gəlirliliyin həcmi üzrə respublikada fəaliyyət göstərən banklar arasında ikinci yeri tutur.