Böyük Britaniyanın baş auditoru Azərbaycanın Hesablama Palatasının rəhbəri ilə görüşüb
Aprelin 5 -də Böyük Britaniyanın Milli Auditor Ofisinin (NAO National Audit Office) baş auditoru ser Con Bornun Bakıya səfəri başlanıb. Hesablama Paoatasından Trend ə verilən məlumata görə, Böyük Britaniyanın nümayəndəsi Fəxri Xiyabanı və Şəhidlər Xiyabanını ziyarət edib. Daha sonra onun Azərbaycan Hesablama Palatasının sədri Namiq Nəsrullayevlə görüşü olub.
Görüşdə Azərbaycan və Böyük Britaniya HP arasında əməkdaşlığın inkişafı məsələləri müzakirə olunub. C. Born öz ölkəsinin audit sahəçindəki təcrübəsini bölüşüb. Qarşılıqlı anlaşma memorandumunun imzalanması ilə bağlı tədbirin keçirilməsi planlaşdırılıb.
C.Born Milli Məclisin spikeri O.Əsədovla və parlamentin iqtisadi siyasət üzrə daimi komissiyasının üzvləri ilə görüşüb.
Aprelin 6-da C.Bornun neftdən gələn gəlirlərin şəffaflığına həsr olunan konfransda çıxış edəcəyi gözlənilir.
