Hazırda respublikada 20-25 min ton sulfat turşusuna ehtiyac var. Lakin bu rəqəm əvvəllər 870 min tona bərabər idi. Bu gün "Superfosfat" zavodunun məhsulun bu növü üzrə istehsal gücü 240 min tona bərabərdir. Lakin bunun yalnız 8-10% -dən istifadə olunur. Trend in verdiyi məlumata görə, bu barədə müəssisənin İdarə Heyətinin üzvü Eldar İsmayılov məlumat verib.
Zavodun böyük istehsal gücünə və respublikada tələbatın az olmasına baxmayaraq, bu məhsulun ixracı ilə bağlı problemlər var. Bu məhsulun qiyməti çox aşağı olsa da, yükün təhlükəli olması üzündən onun daşınması qiymətləri çox bahadır.
Hazırda ekspertlərin hesablamalarına görə, respublikada 200 min ton gübrəyə ehtiyac var. Onun istehsalı üçün 80 min sulfat turşusunun istehsalı zəruridir. Belə həcmdə məhsul müəssisənin gəlirlərini $22-$23 mlna qədər artırmağa imkan verir.
Bu məhsulun reallaşdırılması üçün $3 mln. 950 min investisiyanın qoyulması lazımdır. Onun $3 mln. 250 mini avadanlığın və daha $700 mini ehtiyat hissələrinin alınmasına sərf olunacaq.
