Azərbaycan Hesablama Palatasının nümayəndələri Qazaxıstan Hesablama Palatasının 10 illiyinə həsr olunmuş beynəlxalq konfransda iştirak edəcək. Elmi-praktiki konfrans "Dövlət maliyyə resurslarının idarəçiliyinin şaffaflığı və səmərəliyində maliyyə nəzarəti üzrə ali orqanların rolu" mövzusunda keçiriləcək. Trend agentliyinin məlumatına əsasən, aprelin 20-21-nə təyin olunmuş konfransda MDB, Pribaltika və Şərqi Avropa ölkələrinin maliyyə nəzarəti üzrə ali orqanlarının rəhbər şəxslərinin iştirakı planlışdırılır.
Azərbaycan Hesablama Palatasının rəhbəri N.Nəsrullayev ölkədə rüşvətxorluğa qarşı görülmüş işlər haqqında nitqlə çıxış edəcək.
