Azərbaycan-türk "İş Bankası" adının dəyişdirilməsi ("Bank of Azerbaijan") ilə bağlı Ədliyyə Nazirliyi və Milli Bankda yenidən qeydiyyatdan keçib. Bankdan Trend agentliyinə verilən məlumata əsasən, adın dəyişdirilməsi səmdarların tərkibinin dəyişməsi ilə bağlıdır. Türk şirkəti "Turanlar Dış Ticaret" 1%-lik səhmlərini Dubayın "NEM" şirkətinə satıb. Bu şirkətdən başqa, səhmdarlar sırasına Azərbaycandan olan iki fiziki şəxs də daxildir.
Bankın nizamnamə kapitalı 10 mln. AZY səviyyəsində formalaşdırılıb. Bir səhmin nominal qiyməti 20 AZY təşkil edir. 2006-cı ilin sonuna qədər nizamnamə kapitalını 20 mln. AZY-yə çatdırmaq planlaşdırılır. Yeni səhmlərin yerləşdirilməsi zamanı səhmlərin 20%-nin Bakı Fond Birjası vasitəsilə satışı istisna olunmur. Gələcəkdə beynəlxalq maliyyə institutlarının da cəlb olunması planlaşdırılır. "Bank of Azerbaijan"ın səmhmdarları Avropa Yenidənqurma və İnkişaf Bankını iddiaçılardan biri hesab edir.
