Aprelin sonlarına kimi Bank of Azerbaijan Azərbaycan Milli Bankının nəzdində fəaliyyət göstərən Azərbaycan İpoteka Fondunun agent bankları sırasına qoşulmağı planlaşdırır. Bankdan Trend ə verilən məlumata görə, hazırlıq işləri çərçivəsində tikinti şirkətləri ilə onlar tərəfindən tikilən yaşayış evlərində mənzilləri öz müştərilərinə təklif etməklə bağlı danışıqlar aparır. Bankda hesab edirlər ki, əməkdaşlığın belə üsulu daha əlverişli şərtlərlə mənzil almağa imkan verir.
İlk vaxtlar Bank of Azerbaijan ipoteka kreditlərini illik 10% verməyi planlaşdırır. Lakin gələcəkdə xarici banklardan götürüləcək borclar hesabına öz müştərilərinə ipoteka kreditlərini orta 6-8% hüdudunda təqdim etməyə hazırdır.
Kreditin Bank of Azerbaijan-a qaytarılmasına zəmanət kimi xarici ölkələrin təcrübəsində geniş tətbiq olunan AİF-nun vəsaitləri hesabına "zəmanət institutu"ndan istifadə etmək niyyətindədir. Bu o deməkdir ki, bank borc götürəndən daha 2-3 adamdan zəmanət təqdim etməyi xahiş edəcək ki, bu da mənbənin daimi gəlirini itirəcəyi təqdirdə kreditin qaytarılacağına zəmanəti təmin edir.
Bu gün fondun agent bankları bunlardır: Beynəlxalqbank, Azərdəmiryolbank, Azəriqazbank, Atabank, Bank of Baku, "Standart" bankı, Qafqaz İnkişaf Bankı, Koçbank-Azərbaycan, "Respublika" bankı, Yunibank, Kapitalbank, Nikoylbank, Texnikabank, Turanbank və Xalqbank.
Kreditin maksimum məbləği verilmə müddəti 3 ildən 15 ilə kimi olmaqla 30 min AZN-dir. Agentr banklar tərəfindən verilən ipoteka krediti üzrə faiz dərəcəsi 12%-i keçməməli və bu dərəcə dəyişməz qalmalıdır.
