Mayda Nəqliyyat Nazirliyi Bakıda dairəvi yolun tikintisinin başa çatdırılması üçün təkrar tender keçirməyi planlaşdırır. Bu barədə Trend ə Azərbaycanın nəqliyyat nazirinin müavini Musa Pənahov bildirib.
Onun sözlərinə görə, bundan əvvəlki tender onun iştirakçılarının öz təkliflərində tikinti işlərinin dəyərinin bir qədər yüksəldilməsi ilə bağlı ləğv olunmuşdu. "Bu məqsədlər üçün $50 mln-dan artıq vəsait ayrılmışdı. Lakin şirkətlərin ərizələrində bu bu rəqəm bir qədər yüksək göstərilmişdi. Bu, çox güman ki, layihənin dəyərinə qeyri-düzgün yanaşmadan irəli gəlirdi. Bizcə, bu hesablamalar həqiqətə uyğun gəlmir və ona görə də tenderi ləğv etdik", - deyə M.Pənahov bildirib. Tenderdə iştirak edən tenderlərin təklifləri $83 mln-a qədər çatmışdı. Ümumilikdə, tenderdə 15 şirkət iştirak edir.
Tikinti işinə yayda başlamaq planlaşdırılıb. Ona görə də Nəqliyyat Nazirliyi podratçının müəyyən edilməsinə tələsmək niyyətindədir. Layihənin bahalaşmasından sonra onun dəyəri $49,5 mln. qiymətləndirilib, bu zaman müvafiq olaraq layihədə Azərbaycanın payı əvvəldən nəzərdə tutulandan $3,5 mln artıb. Hökumətin bu vasitələrlə yanaşı, layihəni Kuveyt İnkişaf Bankı $14,9 mln., Əbu-Dabi Ərəb İnkişaf Fondu $10 mln vəsait ayırıb.