Dünya Bankı Azərbaycanın Nəqliyyat Nazirliyinin investisiya proqramlarının digər istiqamətlərdə dəstəklənməsi imkanlarının nəzərdən keçirilməsini planlaşdırır. Bu barədə Trend ə Dünya bankının Cənubi Qafqnaz ölkələri üzrə regional direktoru Donna Douset-Koyrolo məlumat verib.
"Bizim proqramımız Şərq-Qərb dəhlizinin, ola bilsin ki, dəmiryüolu sahəsində layihənin reallaşdırılmasına dəstəyin və maliyyə yardımının genişləndirilməsini özündə birləşdirə bilər", - deyə regional direktor qeyd edib.
DB hazırda nəqliyyat sektoru strategiyası çərçivəsində vəsaitin həcmini müəyyən edir. Portfelin təxmini həcmi $550 mln. təşkil edir. "Lakin çevik olmaq üçün imkanlar da var. Axı Azərbaycan əməkdaşlıq üçün yaxşı tərəfdaşdır", - deyə D.Douset-Koyrolo bildirib.
Bank yol layihələrini Beynəlxalq Rekonstruksiya və İnkişaf Bankının şərtləri əsasında maliyyələşdirmək niyyətindədir. Bankın Azərbaycana təqdim edəcəyi ən iri kreditin həcmi bu gün imzalanan Ələt -Şorsulu və Bakı-Şamaxı-Muğan avtomobil yolunun rekonstruksiya layihəsidir. Bu layihənin reallaşdırılması üçün DB $200 mln. vəsait ayırıb. Regional direktor gələcəkdə belə iri ölçüdə kreditin ayrılacağına əmin deyil.
