Əmək və Əhalinin Sosial Müdafiə Nazirliyi Göyçayda əmək yarmarkası keçirib. Nazirliyin Məşğulluq İdarəsindən Trend ə verilən məlumata əsasən, yarmarka nəticəsində 47 nəfər işlə təmin edilib. Ümumilikdə yarmarkada 115 iş yeri təklif edən 24 müəssisə iştirak edib.
İdarədən bildiriblər ki, indiyə qədər nazirlik myxtəlif regionlarda 12 yarmarka keçirib. 12 yarmarkada 4143 iş yeri təklif edən 381 müəssisə iştirak edib. Nəticədə 812 nəfər işə götürülüb, 100 nəfər ictimai işlərə cəlb olunub, 54 nəfər hazırlıq kurslarına göndərilib.
Növbəti yarmarkalar iyulun 21-də Şəkidə və İyulun 28-də Cəlilabadda təşkil olunacaq.
