Azərbaycan Dəniz Akademiyasının prorektoru Əsədulla Süleymanov və akademiyanın kafedra müdiri Zahid Şərifov dəniz təşkilatları və layihənin benefisiar ölkələrinin dövlət orqanlarının nümayəndələrinin iştirakı ilə "Dəniz mütəxəssislərinin hazırlığı: Azərbaycan, Gürcüstan, Qazaxıstan, Türkmənistan, Ukrayna" layihəsi çərçivəsində beynəlxalq seminarda iştirak ediblər. Bu barədə Trend ə Azərbaycan Xəzər Dəniz gəmiçiliyindən xəbər veriblər.
Seminar Odessada (Ukrayna) keçirilib. Seminarda HPTI-Nypodomi-Scott Wilson-Qms şirkətlərinin konsorsium layihəsi ekspertlərinin Qazaxıstanda keçirilən tədqiqatlara əsaslanmış yekun materialları təqdim olunub. Həmçinin dəniz nəqliyyatı sahəsində ixtisaslı kadr çatışmazlığı probleminin həlli yolları, o cümlədən, bu problemlərin həlli üçün dövlət orqanlarının görməli olduğu tədbirlər göstərilib.
