Azərbaycanda yaz bitkilərinin əkini başa çatıb. Trend in Dövlət Statistika komitəsinə istinadən xəbər verdiyi kimi, yaz bitkilərinin əkini 406,8 min ha sahədə həyata keçirilib. 2005-ci illə müqayisədə taxıl, günəbaxan, pambıq, tütün, kartof, bostan bitkiləri və s. əkin sahəsi bir qədər azalıb.
Mövsümün əvvəlindən əkin sahələrindən 233, 4 min ton kartof (10,6% çox), 256,1 min ton tərəvəz (14,6% az), 14,2 min ton bostan bitkisi (43,3% az), 62 min ton meyvə (8,1% az) və 96,9 ton tütün yarpağı (60,7% az) yığılıb.
6 ay ərzində ət, süd və yumurta istehsalında artım müşahidə olunub. Ət istehsalı 128,5 min ton, süd istehsalı - 657 min ton, yumurta istehsalı isə 406,6 mln ədəd təşkil edib. Ötən ilin həmin dövrü ilə müqayisədə ət istehsalı 2,3 min ton və ya 1,8%, süd istehsalı - 25,7 min ton və ya 4,1% artıb. Yumurta istehsalı isə 51,1 mln ədəd və ya 11,2% azalıb.
