...

Qazaxıstan konteynerlərin nəqlinin qiymətini qaldırdı

Biznes və iqtisadiyyat xəbərləri Materials 19 İyul 2006 15:43 (UTC +04:00)

Qazaxıstan Poti-Bakı-Aktau-Alma-Ata marşrutu üzrə nümayiş konteyner qatarı ilə konteyner daşınmasının qiymətlərini 60% qaldırıb. Bu barədə Trend ə ölkə hökümətindən xəbər veriblər. Bu konteyner qatarının işə salınması zamanı tərəflər - Azərbaycan, Gürcüstan və Qazaxıstan vahid tarif - hərəkət edən zaman hər kilometr üzrə 1 tona görə 22 ABŞ dollarının tətbiqi haqqında qərar qəbul ediblər. Beləliklə, Qazaxıstan ərazisindən hərəkət edən zaman bir konteynerə görə ümumi qiymət təxminən 600 ABŞ dolları təşkil edib. Hazırda bu qiymət 960 ABŞ dollarına qədər artıb.

Hazırda Çin bu layihədə daha çox maraqlıdır. Bu ölkə Asiyada konteyner yüklərinin əsas yaranma mənbəyidir. Çin tərəfi sorğu göndərərək, qatarın iş şəraiti barədə məlumat alıb.

Bu gün Azərbaycan, Gürcüstan və Qazaxıstan nümayiş konteyner qatarının marşrutunun Qazaxıstan və Çin sərhəddindəki Dostık stansiyasına qədər uzadılma məsələsini gözdən keçirirlər.

İşə salma zamanı bu qatar Poti-Bakı-Aktau-Alma-Ata marşrutu üzrə işləyirdi. Qatarın operatorları Black sea transit LTD və Advantage international transport and logistics LTD şirkətləridir.

Konteyner qatarı ötən il dekabrın 24-də işə salınıb. Bu qatar Çin və Avropadan yük göndərənlərin cəlb edilməsinə yardım etməlidir. Yüklər Bakıdan keçməklə Gürcüstanın Poti limanından Qazaxıstanın Aktau limanına və əks istiqamətdə nəql olunurlar.

Mütəxəssislərin qeyd etdiyi kimi, RF-də qiymətlərin dempinq siyasəti tətbiq edildiyindən, hazırda Avopadan Asiyaya və əksinə hərəkət edən ümumi konteyner yük axınının 3-4%-i Rusiya ərazisindən keçir. Bu, ildə təxminən 150 min konteyner təşkil edir. Azərbaycan, Qazaxıstan və Gürcüstan yüklərin bir hissəsini TRACECA dəhlizi ilə nəqli üçün cəlb etmək fikrindədir.

Xəbər lenti

Xəbər lenti