Dünya neftinə olan qiymətin hazırkı konyukturası ilə əlaqədar olaraq 2006-cı ildə Dövlət Neft Fonduna daxilolmaların $1,5-2 mlrd səviyyəsində olacağı gözlənilir. Nazirlər Kabinetinin qiymət, iqtisadi və kredit-maliyyə siyasəti şöbəsinin müdiri Oqtay Haqverdiyevin Trend ə verdiyi məlumata görə, hələ ilin əvvəlində proqnoz $1 mlrd təşkil edirdi. Ancaq neftin qiymətinin indiki artım tempi beynəlxalq ekspertlərə gəlirlərin $1,5-2 mlrd ola biləcəyini ehtimal etməyə əsas verir.
O hesab edir ki, bu, ümumi neft daxilolmalarına aiddir. Çünki bu yaxınlardan etibarən ARDNŞ-in dövlət büdcəsinə əlavə daxilolmaları da ARDNF-ə ayrılır. Əvvəllər isə xəzinədə tranzit hesabı mövcud idi. Bura dövlət büdcəsində neftin təyin edilmiş qiymətini keçən əlavə gəlirlər yığılırdı. Büdcə proqnozlarına düzəlişlər edildikdən sonra 1 barel neftin qiyməti 40 dollardan $45 dollaradək artıb.
İyulun 19- da AZERI LT CIF Augusta neftini qiyməti $72,69/bar təşkil edib (əvvəlki qiymətlə müqayisədə $3,21/bar aşağı düşüb). İyulun 19-da DTD neftinin qiyməti $71,50/bar təşkil edib (əvvəlki qiymətlə müqayisədə $3,26/bar aşağı düşüb).
