Azərbaycanda ipoteka kreditindən istifadəyə başlandıqdan bəri Azərbaycan İpoteka Fondunun tərəfdaş bankları vasitəsilə 50 ipoteka krediti verilib. Bu barədə Trend ə fondun rəhbəri Faiq Məmmədov bildirib. Verilmiş ipoteka kreditlərinin ümumi həcmi 1 mln. manatdan artıqdır, girov qoyulmuş mənzilin dəyəri isə 2 mln. manata bərabərdir.
Təkrar maliyyələşdirmə vasitəsilə 200 min manat həcmində 11 kredit verilib. F.Məmmədovun sözlərinə görə, hazırda 100 ərizəyə baxılır.
Ölkə regionlarında (Sumqayit, Quba, Mingəçevir) indiyə qədər 70-80 min manat həcmində 4 kredit verilib. Gəncə və Naxçıvan MR-dan da ərizələr daxil olub.
İpoteka kreditinin orta məbləği 20-21 min manat, orta aylıq anuitet ödəniş- 250-260 manat, ipoteka ilə alınmış mənzil sahəsinin orta ölçüsü - 50 kv.metr təşkil edir. Kredit alanın orta yaşı 31-dir.