Uzunmüddətli kapital mənbələrinin olmaması banklara uzun müddətə ipoteka krediti verməyə imkan vermir. Bu barədə Trend ə BMK-nın Mərkəzi Asiya ölkələrində ipoteka maliyyələşməsi sisteminin inkişafına texniki yardım layihəsinin rəhbəri Stiven Orleski bildirib.
Onun sözlərinə görə, Azərbaycan bankları yalnız iki mənbədən maliyyələşdirə bilərlər: pula çevrilə bilmə probleminə görə çox riskli olan depozit bazası hesabına və S.Orleskinin fikrincə, normal olan, lakin bazar sənayesinin həcmli artımı üçün kifayət olmayacaq şəxsi kapital hesabına. Banklar həmçinin kapitalın daxili bazarından da borc götürə bilər, lakin onlar Azərbaycanda fəaliyyət göstərmir.
"Əgər banklar beynəlxalq kapital bazarına çıxmağa cəhd etsələr, o zaman problem olacaq, çünki bu, bahalı prosedurdur və borcun həcmi böyük olmalıdır. İnvestorlar Azərbaycan banklarının beynəlxalq bazarlarda yerləşdirəcəyi kredit reytinqli müəyyən istiqrazlara malik olmaq istərdilər", - deyə layihənin direktoru qeyd edib.
Onun fikrincə, banklarda həmçinin ipoteka mənzil krediti zamanı investorlara rahatlıq yarada biləcək standart prosedurlar yoxdur. O hesab edir ki, dövlət dəstəyinə baxmayaraq, o da kifayət deyil. İpoteka kreditinə - sığorta və qiymətləndirmə fəaliyyətinə cəlb edilmiş qarışıq sahələrdə də problemlər mövcuddur. BMK ekspertinin fikrincə, sığorta sahəsində borc götürənin və ipoteka predmetinin çox bahalı sığortası təklif edilir, titul sığortası heç yoxdur.
Onun fikrincə, Azərbaycanda rielter xidmətləri sektoru inkişaf etməyə başlayır, lakin indiyədək daşınmaz əmlak sazişləri üzrə ümumi məlumat bazası yoxdur. Həmçinin Azərbaycanda qiymətləndirmə fəaliyyətinin lisenziyasının olmaması problemi də mövcuddur.