Azərbaycanla Almanyia arasında hökumətlərarası danışıqları avqustun 14-dən 17-dək keçirmək planlaşdırılıb. Trend agentliyinin məlumatına əsasən, bu barədə jurnalistlərə iqtisadi inkişaf nazirinin müavini Mikayıl Cabbarov bildirib. Almaniyadakı danışıqlarda iştirak edəcək Azərbaycan nümayəndə heyətinə iqtisadi inkişaf naziri Heydər Babayev rəhbərlik edəcək.
Danışaqlarda imzalanmış maliyyə müqavilələri çərçivəsində ikitərəfli iqtisadi əməkdaşlıq məsələləri müzakirə olunacaq. Həmçinin KFW və GTZ tərəfindən 2007-ci ilə olan maliyyə və texniki yardımı müəyyənləşdirmək planlaşdırılır.
Hazırda müvafiq dövlət qurumlarında təkliflərin ümumiləşdirilməsi prosesi gedir.
Səfər çərçivəsində müqavilələrin imzalanması gözlənilir. Bu, təminatlı kredit fondlarının yaradılması haqqında müqavilə ola bilər.
2005-ci ildə Azərbaycana qoyulmuş alman investisiyalarının həcmi təxminən 160 mln. avro təşkil edib və əsasən qeyri-neft sahəsinə yatarılıb.
