ABŞ EximBank-nın Qars-Axalkalaki-Tbilisi-Bakı dəmir yolu layihəsinin maliyyələşdirilməsindən imtina etməsi erməni lobbisinin fəaliyyətinin nəticəsidir. Bunu Azərbaycan baş nazirinin müavini Abid Şərifov bəyan edib.
Onun sözlərinə görə, ölkə prezidenti bu məsələdə qətiyyətlidir, Türkiyə və Gürcüstan tərəfləri də layihəni qısa müddət ərzində həyata keçirməyə hazırdır.
BTC-nin iyulun 13-də təşkil olunmuş açılış mərasimində, Türkiyə baş naziri Rəcəb Tayyib Ərdoğanın Bakı səfəri zamanı və hökumətlərarası komissiya çərçivəsində layihənin gerçəkləşdirilməsinə razılıq verilib. "Biz hələlik ancaq ABŞ EximBank-na müraciət etmişik, digər maliyyə institutlarına üz tutmamışıq" - deyə o qeyd edib.
Türkiyənin dövlət naziri Mehmet Aydın bu dəmir yolu layihəsini BTC kəməri kimi strateji cəhətdən vacib hesab edir, çünki bu marşrut Avropa ilə Asiya arasında bağlayıcı zəncirdir.
"ABŞ kimi dövlətin layihənin maliyyələşdirilməsində iştirakı vacib olardı, lakin bu layihənin gerçəkləşdirilməsi haqqında qərara təsir göstərməyəcək" - deyə dövlət naziri əlavə edib.
A.Şərifovun dediklərinə görə, bu layihə beynəlxalq əhəmiyyət kəsb etməyə başlayır və buna görə qonşu ölkələrin bunun gerçəkləşdirilməsinə mane olmaq istəyi təbiidir, çünki bu halda onların vəziyyəti daha da ağırlaşacaq.
"Qazaxıstan artıq ilkin mərhələdə dəmir yolu ilə 10 mln. ton yükün daşınması mümkünlüyünü bəyan edib" - deyə nazir müavini vurğulayıb. Marşrutun cəlbediciliyi ondan ibarətdir ki, Azərbaycanı Türkiyə vasitəsilə birbaşa Avropaya bağlayacaq.
Qars-Axalkalaki-Tbilisi-Bakı dəmir yolu ilə əsasən quru yükləri - metal, kömür, kükürd, rəgli metallar və s. daşımaq planlaşdırılır. Daşınmalarda qismən neft və neft məhsullarından da istifadə olunacaq. Marketinq araşdarmaları göstərir ki, hazırda Qara dəniz limanları vasitəsilə yüklərin daşınmasında problemlər var. Problemlər, əsasən yüklərin bir nəqliyyatdan digərinə yüklənməsi ilə bağlıdır ki, bu da öz növbəsində nəqletmə dəyərinin bahalaşmasına gətirib çıxarır. Dəmir yolu ilə daşınma isə iki dəfə ucuzdur və böyük potensiala malikdir.
Gürücstan limanları bütün yüklərin daşınmasını tam təmin edə bilmir, lakin ümumilikdə, Bakı- Tbilisi - Axalkalaki - Qars marşrutu ilə daşınacaq neft və neft məhsulları Gürcüstan limanlarının işinə təsir göstərməyəcək.