Azərbaycan Kənd Təsərrüfatı Nazirliyi yanında Fitosanitar Nəzarət üzrə Dövlət Xidmətinin Bitkiləri Mühafizə Mərkəzi Şamaxıda kənd təsərrüfatı bitkilərinin mühafizəsinə həsr olunmuş zona müşavirəsi keçirib. Dövlət Xidmətindən Trend ə verilən məlumata görə, Qobustan, Abşeron, Şamaxı, İsmayıllı, Qəbələ rayonlarından 100-dən çox fermerin iştirak etdiyi tədbirə Kənd Təsərrüfatı Nazirliyi və adları çəkilən rayonların İcra Hakimiyyəti nümayəndələri də qatılıb.
Görüşdə bitkilərin mexaniki və kimyəvi üsullarla mühafizəsinə dair məsələlər, həmçinin, kənd təsərrüfatı bitkilərinin toxumlarının düzgün yetişdirilməsi üsulları müzakirə olunub. Bütün bu üsullar fermerlərə əyani şəkildə nümayiş etdirilib.
