Oktyabrın 3-dən 5-dək MasterCard beynəlxalq ödəniş sisteminin nümayəndə heyətinin Bakıya səfəri başlayır. Bu barədə Trend ə "Millikart" MMC-dən məlumat verilib. Nümayəndə heyətinin tərkibinə MasterCard-ın Türkiyə nümayəndəliyinin nümayəndəsi Rita Oxçuoğlu və ödəniş sisteminin Belçika ofisindən bölgə kuratoru Roch Magetto daxildir.
"Bu, MasterCard ekspertlərinin rübdə və ya yarım ildə bir dəfə etdikləri ölkəyə plan səfəridir. Onlar sistemin fəaliyyətdə olan üzv-bankları, MasterCard-a qoşulmağa çalışan yeni üzv və banklarla görüşlər keçirəcəklər", - deyə mərkəzdən məlumat verilib.
Azərbaycan bankları arasında bu gün MasterCard-ın üzvləri Beynəlxalq Bank, Kapitalbank, Azəriqazbank, Azərdəmiryolbank, Koçbank-Azərbaycan, "Respublika" bankı, Bank Standard, Bank of Baku, AF Bank, Debutbankdır. Yeri gəlmişkən, beynəlxalq ödəniş sisteminin üzvü olan ABN-AMRO (Özbəkistan) "Azərikard" prosessinq mərkəzi vasitəsilə fəaliyyət göstərir.
