Bakı.Trend:
Livan "Hizbullah"ı tərk-silah edə bilər, lakin bunun baş verməsi üçün İsrail ordusu ölkənin cənubundan çıxmalıdır.
Bunu Livan Prezidenti Cozef Aun ABŞ Konqresinin üzvləri və Tramp administrasiyasının rəsmiləri ilə görüşündə bildirib. Bu barədə Livan Prezidentinin ofisi məlumat yayıb.
Livanın ABŞ-dəki səfiri Nada Hamadə Muavadın onun şərəfinə təşkil etdiyi şam yeməyində çıxış edən Aun deyib ki, ölkəsi yalnız "bütün livanlıları qoruyan vahid dövlət və vahid ordu" olduğu təqdirdə təhlükəsiz və bütöv ola bilər.
“Əgər bu prosesin əslində nə tələb etdiyini dürüst şəkildə qəbul etsək, Hizbullahın silahlarının tərk-silah edilməsi mümkündür”, – deyən Aun əlavə edib ki, bunun üçün ilk növbədə İsrail qoşunları ölkə ərazisini tərk etməli və ordunun ölkə ərazisi üzərində tam nəzarəti təmin edilməlidir.
