Oktyabr ayında MasterCard beynəlxalq ödəniş sisteminin Direktorlar şurası Texnikabankın tamhüquqlu üzvlüyü haqqında qərar qəbul etməyi planlaşdırır. Bankın idarə heyətinin sədri Samir Hüseynov Trend ə bildirib ki, həmin ödəniş sisteminə daxil olmaq çərçivəsində oktyabrın 5-də Bakıda MasterCard-ın nümayəndələri ilə görüş keçiriləcək. Oktyabrın 3-dən etibarən MasterCard-ın nümayəndə heyətinin Bakıya səfəri başlanacaq. Nümayəndə heyətinin tərkibinə sistemin Türkiyə ofisindən nümayəndəsi Rita Oxçuoğlu və ödəniş sisteminin Belçika ofisindən bölgə kuratoru Roch Magetto daxildir.
S.Hüseynovun sözlərinə görə, hazırda bank digər ödəniş sistemi - Visa İnternational-da dp prinsipial üzvlük üçün sertifikatlaşdırmadan keçir. Visa-nın Direktorlar şurasında bu barədə qərar hələ 2006-cı ilin may ayında qəbul olunub. 2004-cü ilin avqust ayından etibarən Texnikabank bu sistemin üzvüdür. Və bu gün ölkənin özəl bankları arasında ən çox sayda kart Texnikabank tərəfindən buraxılıb. Onların həcmi 30 mini ötür.
