Noyabrın sonunda Bakıda Azərbaycan və Sankt-Peterburq arasında biznes-forumun keçirilməsi gözlənilir. Bu barədə Trend ə Rusiyanın Azərbaycandakı Ticarət nümayəndəliyindən məlumat verilib. Biznes-forum Azərbaycanda Rusiya İlinə həsr olunmuş Sankt-Peterburq Mədəniyyəti günləri çərçivəsində keçiriləcək.
Bununla əlaqədar noyabrın 20-24-də Sankt-Peterburq şəhər administrasiyasının Bakıya səfəri planlaşdırılıb. Nümayəndə heyətinə vitse-qubernator Sergey Tarasov rəhbərlik edəcək.
Ticarət nümayəndəliyindən hesab edilir ki, ötən il Azərbaycan və Sankt-Peterburq hökumətləri arasında ticari-iqtisadi, elmi-texniki və mədəni əməkdaşlıq sahəsində saziş imzalandıqdan sonra əlaqələr genişlənib.
