Suvarma sisteminin təkmilləşdirilməsi - paylaşdırılması və idarə edilməsi layihəsi çərçivəsində "Meliorasiya və Su Təsərrüfatı" ASC 2 tender elan edib. Trend in xəbər verdiyi kimi, tender Qarabağ regionunda suvarma kanallarının bərpası layihəsinə müvafiq olaraq Goranboyda, Şahməmmədli su istifadəçiləri birliyində aşağıdakı işlərin yerinə yetirilməsini nəzərdə tutur:
-beton örtüklü suvarma kanallarının təmizlənməsi, dağılmış hidrotexniki qurğuların bərpası və yenilərinin inşası, kanallar üzrə su ölçən qurğuların inşası, su paylayan şlüzin bərpası.
Tikinti işləri 300 gün ərzində yerinə yetirilməlidir. Tenderdə iştirak dəyəri 200 AZN-dir. Təkliflər dekabrın 4-dək qəbul olunacaq. Tender təklifləri olan zərflər elə həmin gün ASC-də açılacaq.
ASC həmçinin Mil-Muğan regionu üzrə Sabirabad rayonu və Qaratəpə su istifadəçiləri birliyində suvarma kanalları və açıq drenaj sisteminin bərpası üzrə tender elan edib. Təmir-bərpa işlərinə 365 gün ayrılıb. Tenderdə iştirak etmək istəyənlər 200 AZN ödəməli və təklifləri dekabrın 5-dək təqdim etməlidirlər. Prosedurun özü elə həmin gün ASC-də keçiriləcək.
