Azərbaycan Maliyyə Nazirliyi Hacıbulaqdan Gürcüstan sərhəddinə qədər avtomagistralın iki zolaqlı xəttdən dörd zolaqlı xəttə qədər genişləndirilməsi ilə bağlı layihənin maliyyələşdirilməsinin mənbələri barədə hökumət üçün təkliflər hazırlayır.
Nazirlikdən Trend ə verilən məlumatda deyilir ki, təkliflər planına beş maliyyə institutunun maliyyələşmə şərtləri daxildir - Fransanın BNP Paribas, JBIC Yaponiya Beynəlxalq Əməkdaşlıq Bankı, Finlandiyanın Norts ND Bank, Dünya Bankı, Asiya İnkişaf Bankı.
Maliyyəçilər hesab edir ki, "Bu məsələyə ciddi yanaşmalı və daha əlverişli şərtlərə malik investor seçilməlidir".
Təklif olunmuş variantlardan hələ ki Finlandiya bankının təklif etdiyi şərtlər daha əlverişli sayılır, lakin qərar hökumət tərəfindən qəbul ediləcək. Bu bank sığortasız və komission ödənişsiz 10-12 il müddətinə libor+0,8% üzrə kredit təklif edir.
BNP Paribas isə Hacıbulaqdan Yevlaxa (184,8 km) və Qazaxdan Gürcüstan sərhəddinə (38 km) qədər yol sahəsinin maliyyələşdirilməsinə 3 il güzəştli müddətlə 13 illik və libor+0,5% fizli 300 mln. dollar kredit təklif edir. Kreditin bir hissəsini Fransa bankı JBIC-dən götürərək həmin məbləği Yaponiyanın NEXY agentliyində sığortalaycaq. Adətən hökuməti JBIC-də maliyyələşmənin güzəştli şərtləri cəlb edir, bu dəfə onların təklif etdiyi şərtlər BNP Paribas-in təklif etdiyi şərtlərdən az fərqli olub, belə ki, onların təklifi də sığorta şərtləri ilə məhkəmləndirilib.
