Azərbaycanın kənd təsərrüfatı naziri İsmət Abbasov "Beynəlxalq yaşıl həftə. Berlin 2007" (International Green Week Berlin 2007) sərgisində iştirak edəcək. Bu barədə bazar ertəsi Trend ə nazirlikdən xəbər veriblər.
Tədbirdə nazirin başçılığı ilə həmçinin Kənd Təsərrüfatı nazirliyinin bir neç mütəxxəsissi iştirak edəcək.
Qida sənayesi, kənd təsərrüfatı və bağçılıq sərgisi (yaşıl həftə Almaniyanın ən məhşur aqrosənaye sərgisidir) 2007-ci ilin yanvarın 19-dan 28-dək Berlin sərgi mərkəzində keçiriləcək. Lakin Kənd təsərrüfatı nazirliyi nümayəndələrinin səfəri yanvarın 19-dan 22-dək davam edəcək.
Tədbirdə həmçinin müxtəlif ölkələrin aqrar sahə üzrə dövlət strukturlarının, beynəlxalq təşkilatların təmsilçiləri ilə ikitərəfli görüşlərin keçiriləcəyi və əməkdaşlıq barədə sazişlərin imzalanacağı istisna olunmur.
İlk qida məhsulları, kənd təsərrüfatı və bağçılıq sənayesi sərgisi 1926-cı ildə keçirilib. Sərgidə qida sənayesinin ətdən kolbasa məmulatlarınadək, meyvə və tərəvəz, dəniz məhsullarından çaya, pivə və möhkəm alkoqol içkilərinədək malların bütün spektrlərini görmək olar. Burada həmçinin toxumlar, kənd təsərrüfatı avadanlıqları, istixanalar və müxtəlif məhsullar nümayiş olunacaq.
International Green Week Berlin (Berlin yaşıl həftəsi) sərgisi çərçivəsində kənd təsərrüfatı məhsullarının, meşəçilik və landşaft layihələşməsinə baxış, satış, həmçinin müxtəlif simpoziumlar, seminarlar, forumlar və başqa tədbirlər keçiriləcək.
2007-ci ildə o, 72-ci dəfə keçiriləcək.
