Azərbaycanın ən böyük metallurgiya müəssisəsi Baku Steel Company öz məhsulunun qiymətini artırmaq niyyətindədir. Bu barədə Trend ə cümə günü şirkətdən məlumat verilib.
Artımın əsas səbəbi bu yaxında Azərbaycanda enerji daşıyıcılarının qiymətinin qalxması olub.
"Bu günə qədər 12-40 profilli armaturun bir tonunun qiyməti, ƏDV daxil olmaqla, 500,39 manat, 2-8 profilli armaturun bir tonunun qiyməti isə - 509,74 manat təşkil edib", - deyə müəssisədən bildirilib.
Müəssisənin məhsulunun qiymət artımının faizi yanvarın 15-dən sonra şirkətin idarə heyətində müzakirə olunacaq.
"Qəbul edilmiş qərar sonra müvafiq təşkilatlara təqdim olunacaq", - deyə Baku Steel Company şirkətindən bildirilib.
BSC- ildə 350 min ton istehsalat gücünə malikdir, ölkədə ən böyük vergi ödəyicilərindən biridir, əməkdaşlarının sayı 2 min nəfərdən çoxdur.