Yanvarın 16-18-də Kəraçidə (Pakistan) İqtisadi Əməkdaşlıq Təşkilatının (ECO) üzv ölkələrinin dəniz təşkilatlarının üçüncü yığıncağı keçiriləcək. Bu görüşdə ölkəmizdən Azərbaycan Dövlət Dəniz administrasiyanin (ADDA) başçılığı altında işçi qrup iştirak edəcək. Bu barədə Trend ə ADDA mətbuat xidmətindən bildiriblər.
İşçi qrupa administrasiyanin dəniz müfəttişliyi şöbəsinin rəhbəri Vamiq Rəhimov başçılıq edəcək.
İşçi qrupun tərkibinə həmçinin Bakı Beynəlxalq Dəniz Ticarət limanının baş direktorunun birinci müavini Vahid Əliyev və Fövqəladə Hallar Nazirlyinin Xəzər hövzəsi xilasetmə və qəza-xilasetmə xidmətinin yedək işləri şöbəsinin rəhbəri Məmməd Allahverdiyev daxildir.
