Hazırda Azərbaycanda neft və neft məhsullarının dəmir yolu ilə sutkalıq daşınması 46 min tondur, bu barədə Trend ə bazar ertəsi Azərbaycan Dövlət Dəmir Yolu İdarəsindən (ADDY) xəbər veriblər. Yük göndərmələrin ümumi həcmi sutkada 60 min tona bərabərdir. Orta sutkalıq yüklənmə 758 vaqondur.
Azərbaycanda dəmir yolu ilə 2006-cı ildə daşınma 29,6 mln. ton təşkil edib. Bu həcmin 15,7 mln. tona yaxını neft və neft məhsulları daşınmasının payına düşür. Ötən il ərzində Azərbaycanda dəmir yolu ilə 5,8 mln. sərnişin daşınıb. Həmçinin ötən il ərzində yolun 8,5 kilometri əsaslı təmir orlunub, 42 kilometri isə orta təmir olunub. 3 min 938 şpal dəyişilib. 56 kilometr yol təmizlənib və 120 km. yol bərpa olunub.